Вторник, 19.03.2024, 06:18
Приветствую Вас Гость | RSS
Главная | Молитва за всех в вере скончавшихся православных христиан | Регистрация | Вход
Меню сайта
Форма входа

Календарь
«  Март 2024  »
ПнВтСрЧтПтСбВс
    123
45678910
11121314151617
18192021222324
25262728293031
Поиск
Наш опрос
Ходите ли Вы в Церковь?
Всего ответов: 233
Друзья сайта
Официальный сайт Русской Православной Церкви / Патриархия.ru
Официальный сайт Украинской Православной Церкви
Валаамский монастырь
Православная социальная сеть «Елицы»
Православная социальная сеть «Елицы»
Игнатьевский Благовест
Монастыри и храмы УПЦ
 
Архив записей
Статистика

Молитва за всех в вере скончавшихся православных христиан

 

Владыко Многомилостиве и Всемилостиве Господи Иисусе Христе Боже наш! Милосерд ты к нам грешным и милосердию Твоему несть конца: не хощеши бо нашей вечной погибели, зане рекл еси: "Не хощу смерти грешника, но еже обратитися и живу быти ему". Слава милосердию Твоему! Слава смотрению Твоему! Слава долготерпению Твоему, Господи! От всего сердца нашего, от всея души нашея благодарим Тя, Боже наш, яко сподобил еси усопшаго(ую) раба Твоего (рабу Твою) (имя) на одре болезни исповедатися Тебе во гресех своих. Ты же, Господи, Един ведый вся, веси, коль тяжки греси его (ея), но обаче молим Тя, приими раба Твоего (рабу Твою), отшедшаго(ую) к Тебе аще и грешником(цею), но не нераскаянным(ою), и воздаждь ему (ей) по раскаянному сердцу его (ея). И якоже Ты приемлеши и единое слово, и единый вздох, и единую каплю слезную от исповедающегося Тебе с чистым и сокрушенным сердцем, темже убо молим Тя, Сердцеведче Святый, приими ныне от нас нашу молитву за усопшаго(ую), вонми молений наших гласу, и услыши ны; со умиленною душею и сокрушенным сердцем молим Тя, Господи, воззри всемилостивым оком Своим на покаявшагося(шуюся) Тебе усопшаго(ую) раба Твоего (рабу Твою) (имя) и попали невещественным огнем Духа Твоего Святаго вся терния грехов его (ея), неисповеданных пред лицем Твоим. Аще же усопший(шая) раб Твой (раба Твоя) при покаянии забвению что предаде по немощи естества, или тяжкой болезни, или страха ради часа смертнаго не возможе в сокрушении и умилении сердца покаятися пред Тобою, Господи, ниже возможе принести Тебе плодов достойных покаяния, со умилением просим, молим Тя, Спасителю наш, восполни его (ея) покаяние молитвами Святыя Твоея Церкви и всех святых Твоих, от века благоугодивших Тебе, наипаче лее восполни сию духовную скудость Твоею благостию, Твоими дражайшими искупительными и спасительными заслугами; и якоже мытаря оправдал еси, и разбойника, на кресте молившагося Ти, помиловал еси, сице молим Тя: помилуй преставльшагося(уюся) к Тебе с верою и упованием и прости ему (ей) всякое согрешение вольное и невольное, словом, делом, ведением и неведением содеянное, и тако да неосужденно явится пред лицем Твоим в день великаго и Страшнаго Суда Твоего. Молим Тя, дражайший Искупителю наш, сподоби усопшаго(ую) раба Твоего (рабу Твою) (имя) внити в Царствие Твое, яко сподобившагося(уюся), по Твоей благости, причаститися святых Твоих страшных и животворящих Тайн во оставление грехов и в жизнь вечную. Ты бо, Господи, пречистыми устами рекл еси: "Ядый Мою Плоть и пияй Мою Кровь имать живот вечный". Ты, Господи, Сам сподобил еси усопшаго(ую) раба Твоего (рабу Твою) причаститися пречистаго Твоего Тела и пречистая Твоея Крове, яко залога вечнаго блаженства; сего ради паки молим Тя: да будут ему (ей) святыя и животворящия Тайны Твоя, яко угль, попаляющ вся согрешения его (ея), вся беззакония и неправды его (ея), да будут во очищение, во освящение, оправдание и оставление грехов, и в залог живота и блаженства вечнаго. Аминь.


  Сайт сделан по благословению настоятеля сего храма - протоиерея Вадима
|Все права защищены. Яндекс цитирования | bigmir)net TOP 100 |